+47 75 77 51 00 poassta(alfa)arran.no

Giella, åhpadussa ja mánnágárdde

Árran barggá åhpadusfáláldagájt gaskostit akta makkir dáses iesj guhtik lágásj oahpposuorgijn, ja liehket koordinerimorgádna julevsáme giellabargguj.

Árran åhpat videokonferánsa baktu iesj guhtik lágásj skåvlåjda (vuodo- ja joarkka-) Hordalándan, Nordlándan, Nuortta- ja Oarjje-Trøndelágan. Dát ij la árbbedábálasj åhpadimvuohke skåvllåaktisasjvuodajn. Árran álgij vuostasj bále dákkár åhpadimvuogijn guovvamánon jagen 1999:n.
 
Duodden ietjá giellabargojt tjadát, duola dagu giellalávggomijt ja viddnodagá sissŋálasj giellakursajt.

Fáladuvvá julevsámegiellaåhpadimev:
- Vuodoskåvlån; vuostasj- ja nubbengiellan ja sáme giella ja kultuvrra.
- Joarkkaskåvlån; vuostasj- ja nubbengiellan ja C-giellan.

Árran la tjadádam julevsámegiel åhpadimev Budapestan Ungarnin gidá- ja tjaktjasemestera 2003.
 
Guovdátjin la aj julevsáme mánnágárdde. Árran Mánnágárdde la dåhkkiduvvam 18 mánnágárddesajijn. Julevsámegiella l mánnágárde oajvvegiella. Máná, gudi e buvte sámástit gå álggi, vuoroduvvi sierra giellafáláldagáj.
Språk Sami - SamiskSpråk Norsk - NorwegianSpråk English - Engelsk