+47 75 77 51 00 poassta(alfa)arran.no

Biehtsemáno 8. biejve kl. 15.00 rahpap vuosádusáv; Bååstede

Vuosádusrahpam. – sáme kulturárbe máhtsadibme

Bååstede-vuosádus le sáme kulturhiståvrålasj dávverij máhtsadibme Vuona Álmmukmuseas (Norsk Folkemuseum) ja Kulturhiståvrålasj museas (Kulturhistorisk museum), Oslon sáme museajda Vuonan.  
Dá dávvera tjoahkkiduvvin sulá 100-150 jage dás åvddåla, dalloj gå sámijn ællim makkárak jali vuojga ájnas politihkalasj jalik sebrudakvájkkudallam máhttelisvuoda ássjijn ma sidjij allasisá gulluji. 

Samisk museumsmateriale v/Norsk folkemuseum
Samisk museumsmateriale v/Norsk folkemuseum Foto: Håkon Harriss, Norsk Folkemuseum

Vuosádus vuoseduváj vuostatjin Roandemin «Tråante 2017»

Vuosádus vuoseduváj vuostatjin Roandemin «Tråante 2017» mujttodáhpádusájn  sámij rijkatjåhkanime bále jagen 1917.

Ienep gå guoktatuvsán sáme dávvera Vuona Álmmukmuseas máhtsaduvvi sáme guovlojda, ja galggi háldaduvvat gudá museaåssudagájs ma li Sámedikke háldon. Dá sáme musea li ietja válljim dávverijt, gåvåjt ja tevstajt vuosádussaj. Dá tjoahkkáj åvddånbukti valjes kulturhiståvrålasj árbev, ja ma dán prosjevta baktu li ruoptus Sámeednamij- Sábmáj boahtám.

 

 

Oassálasste Bååstede-prosjevtan li: Vuona Álmmukmuseas (Norsk Folkemuseum) ja Kulturhiståvrålasj museas (Kulturhistorisk museum), Sámedigge ja dá 6 sámemusea, Deanu ja Várjjat  Museumssiida, RiddoDuottarMuseat, Davvi álmmut guovdáš (Senter for Nordlige Folk),

Várdobáiki Museasiida, Árran  –  julevsáme guovdásj ja Saemien Sijte  –  oarjjelsáme musea ja kulturguovdásj.

 

 “Bååstede – sáme kulturárbe máhtsadibme” vuoseduvvá Árranin biehtsemáno 8. biejve rájes bårggemáno 21. bæjvváj.

Bååstede-prosjevta birra subtsas Sissel Mikkelsen, Sámedikkes.
Rahpam le museajådediddje Harrieth Aira. 

Språk Sami - SamiskSpråk Norsk - NorwegianSpråk English - Engelsk
8270 Ájluokta/Drag
Tlf: +47 75 77 51 00
Faks: +47 75 77 51 01
E-post: poassta(alfa)arran.no